ScorpioMartianus

OMNIA · LEG·XIII · ACTA DIVRNA · LITTERATVRA · OPERA MISC · NEXVS · AVCTOR


V O C A B V L A · R E C E N T I O R A · V S V · D I G N A

 

Prosōpobiblion

 

TūTubulus

 

Īnstagramma

 

Skȳpē / ἡ Σκῡπή

 

Vatsappum

 

Gūgulum

Pīpiātōrium

Crepitōrium

Redditus

Discordia

· A ·

acroama, acroamatis (declinatur more Graeco ut "epigramma, epigrammatis") — vulgo podcast, quae vox pertinere potest sive ad seriem ipsam emissionum audibilium sive ad singulos sermones; e lingua Graeca "id quod aurem delectat", a Terentio Tunberg propositum. (Nonnullis lexicis male scribitur "acroāma" vocali 'ā' longa, sed haec est menda secundum Terentium Tunberg; haec 'a' vocalis est brevis.)

Androīdēs, -ae (declinatur more Graeco ut "comētēs, -ae") - generis cuiusdam telephonii systema internum sive ipsum telephonium gestabile hoc systemate utens, sic ut Graece esset ὁ Ἀνδροειδής.

· C ·

computātrum, -ī — Anglice computer.

- computātrālis, -is, -e — adjectivum.

- computātrulum, -ī, portābile — Anglice laptop.

cooperculum, -ī — Anglice folder.

Crepitōrium, -ī — vulgo Snapchat, a L. Amadeo Ranierio (auctore huius situs) propositum.

· D ·

dactylographō, dactylographāre, dactylographāvī, dactylographatus — Anglice to type.

Discordia, ae — vulgo Discord, hoc est instrumentum computatrale et telephonicum quo participes nuntiis scriptis vel viva voce colloqui possunt.

documentum, -ī, electronicum vel computrale — Anglice file vel document.

· E ·

expleor, explērī, explētus sum — Anglice to load; e.g. "Haec pagella denique expleta est!", "Hic situs semper lentissime explētur." Vide impōno et exprōmō.

exprōmō, exprōmere, exprōmpsī, expromptus — Anglice to download. Vide impōno et expleor.

· F ·

fenestella, -ae — Anglice window.

· G ·

Gūgulum, -ī (saepius enuntiatur Gūgol, -ī, etiam Gūgolum, -ī vel Gūglum, -ī) — vulgo Google est inquisitorium retiale saepenumero ab hominibus adhibitum.

- gūgulor, gūgulārī, gūgulātus sum — verbum temporale deponens pro actione indiciorum in inquisitorio Gugulo quaerendorum, ab auctore L. Amadeo Ranierio joci causa fictum.

- Gūgulī Sermōcinātōrium, ī — vulgo Google Hangouts, applicatio computatralis

· I ·

impōnō, impōnere, imposuī, impositus in rētī — Anglice to upload. Vide exprōmō et expleor.

impressōrium, -ī — Anglice printer.

inquīsitōrium, -ī, rētiāle — instrumentum quaerendi indicia in reti omnium gentium, e.g. Gūgulum (q.v.).

Īnstagramma, -atis — vulgo Instragram.

īPhōnē, -ae (declinatur more Graeco ut "nymphē, -ae") — nomen pro telephonio gestabili joci causa ab auctore L. Amadeo Ranierio fictum graecizante pronuntiatione vocis Anglicae iPhone, sic ut esset ἡ ἰ̄Φωνή.

· M ·

malleolus, -ī (etiam plēctrum, ) — Anglice key. Vide plēctrologium.

mūsculus, -ī — Anglice mouse.

· N ·

Netflix, Netflicis — Netflix

Nūntiātōrium, ī — vulgo Messages vel Messenger, vox enim vulgaris ipsa de instrumento ipso pendet.

· P ·

Pīpiātōrium, -ī — vulgo Twitter.

- pīpiō, pīpiāre, pīpiāvī, pīpiātus — vulgo Anglico to tweet, i.e. in Pipiatorio aliquid scribere.

- pīpiātus, -ūs (rarius pīpiātum, -ī) — vulgo Anglico a/the tweet, i.e. nuntiolum in Pipiatorio scriptum.

plēctrologium, -ī — Anglice keyboard.

P.O.D.C.A.S.T. — = acroama (q.v.) electronicum, acronymon ab auctore L. Amadeo Ranierio joci causa retrorsum fictum pro "Programma Orationum Deductarum Computatris Audibile Simpliciter Transmissum."

Prosōpobiblion, -ī (rarius Prosōpobiblium, -ī) — vulgo Facebook, e radicibus Graecis πρόσωπος "facies" et βιβλίον "libellus", "parvus liber", fertur ab Alosio Miraglia inventum ne discipuli eius diutius eam vocem tam barbaram ac communissimam ut "Facebook" jactarent.

- Prosōpobiblicus, -a, -um — adjectivum pro rebus ad Prosopobiblion pertinentibus; e.g., "Sumusne jam amici Prosopobiblici?" "Nondum, at petitionem amicitiae Prosopobiblicae ad me mittas ut fiamus."

- Nūntiātōrium, -ī, Prosōpobilicum — vulgo Facebook Messenger.

Prosōpochronion, -ī — vulgo FaceTime (hoc est instrumentum vel applicatio vel programma viva voce (et facie) sermocinandi telephonice inter iPhonas), e radicibus Graecis πρόσωπος "facies" et χρονίον "parvum tempus".

· Q ·

quādrum, -ī, vīsīficum — Anglice screen.

· R ·

ratiō, -ōnis — Anglice account; e.g. "Mihi sunt duae rationes Pipiatoriae sed solum una ratio Prosopobiblica."

- [in] ratiōnem ineō, inīre, inīvī, initus — Anglice to log into an account.

- [ē] ratiōne exeō, exīre, exīvī, exitus — Anglice to log out of account.

Redditus, -ūs — vulgo Reddit.

- Redditor, -ōris — vulgo Redditor.

Rēte, -is, Omnium Gentium (vel Rēte Totius Mundi vel Tela Totius Terrae etc.), abl. Rētī ... e.g in Rētī — Rete sive minuscula littera rete vulgo nuncupatur Internet vel the Web inter alia multa.

- rētiālis, -is, -e — adjectivum.

· S ·

Skȳpē, -ae (declinatur more Graeco ut "Aphroditē, -ae") — joci causa ab auctore fictum graecizante pronuntiatione vocis Anglicae Skype, sic ut esset ἡ Σκῡπή.

- Skȳpicus, -a, -um — adjectivum rerum ad instrumentum computatrale Skypen pertinentium.

- Skȳpicē — adverbium sermocinandi instrumento computatrali Skype, = per Skypen.

subscrībō, subscrībere, subscrīpsī, subscriptus — Anglice to subscribe.

- cessō, cessāre, cessāvī, cessātus — Anglice to unsubscribe.

· T ·

tessera, -ae, sēcrēta— Anglice password.

TūTubulus, -ī — vulgo YouTube e vocibus "tū" et "tubus" (forma diminutiva) .

- tūtubulēnsis, -is, -e — adjectivum, e.g. "Eius canalis Tūtubulēnsis est plenus pellicularum jucundarum."

- tūtubulor, tūtubulārī, tūtubulatus sum — verbum temporale deponens pro actione pellicularum in Tūtubulō imponendarum, ab auctore L. Amadeo Ranierio joci causa fictum.

- tūtubulātor, -ōris — is qui tūtubulātur (q.v.), ab auctore L. Amadeo Ranierio joci causa fictum.

typus, -ī — Anglice font.

· S ·

Salūtātōrium, -ī (= Vatsappum, q.v.) — vulgoWhatsApp, nuntiatorium telephonicum; ab auctore L. Amadeo Ranierio propositum.

· S ·

Vatsappum, -ī (= Salūtātōrium, q.v.) — vulgoWhatsApp, nuntiatorium telephonicum; ab auctore L. Amadeo Ranierio propositum.

Vīkīpaedia, -ae — vulgo Wikipedia.

 

 

 

 

 


DOMVM

© MMVII-MMXVIII L·AMADEI·RANIERI

LAR