| Felicem Supplicationem vobis exopto! Lucius sum vester Amadeus, ac ScorpioMartianus vobis transmittitur.
Hodie est dies Supplicationis, quae festa publica habetur in America. Americani ut solet hanc diem agnoscimus originem usque ad Peregrinos tractare, ac etiam Praesidentem Lincoln qui anno MDCCCLXIII proclamavit ultimum diem Jovis in mense Novembri diem Supplicationem gratiarum agendarum pro beneficiis acceptis. |
. |
Abraham Lincoln, XVI U.S. Praesidens. |
"Proelium Saratogae" picta a Don Troiani. |
Dum quidem Bellum Independentiae Americanae acriter pugnaretur ac Americani haud dubio, ita putabatur, victi essent contra invictos Britannos, denique lux videbatur: quod XXXI Octobris Americani victoriam detulere a Proelio Saratogae, duxque Americanus nomine Horatius Gates illinc 5,800 milites Britannos vinculatos necnon 27 ballistas Britannicas una cum pluribus telis parvis reportavit - ita ait Ira Stoll. | |
| Hoc proelio peracto, Galli demum foedus totum cum Americanis icere, et victoria novae patriae foret visa.
Post proelium, Samuel Adams, qui membrum erat Congressus Continentalis a Massechuseta, cum aliis membris I Novembris, MDCCLXXVII, censuit "diem Supplicationis" Deo ut "uno corde et una voce bonus populus exprimeret sensus gratiarum ex cordibus, seque consecraret ministerio benefactoris divini." Haec enim est nostrae patriae prima origo publica, festiva Supplicationis. |
Samuel Adams (1722-1803). |
|
"Noli Me Ingredi," vexillium quoddam Revolutionis Americanae. |
Post hoc Samuel Adams saepe tales proclamationes in vita publica (postea ut gubernator Status Massachusetae) declamabat. Gratia exempli, Gubernator Adams anno MDCCXCV proclamavit diem Jovis, XIX Novembris "diem Supplicationis Publicae Deo" ut Deus his populi gratiis "benigne placeretur finem facere omnis Tyrranidis et Usurpationis, ut Populus qui sub Jugo Oppressionis, liberi facti essent; atque Nationes quae libertatem contendunt etiam securi essent per Ejus Auxillium Omnipotens." | |
| Talia sentimenta etiam illo tempore mordacia ac derisione quidam ridebant. Sed hodie - hoc die, Mumbaiae, in India - fautores terroris et tyrranidis unius ideologiae omnibus imponendae quae usurparet ab omnibus libertatem, 78 homines necaverunt, 200 aliis vulneratis - nuntiatur apud Ephemerida [sequitur ad paginam Ephemeridis]. Non est dies aptior igitur qua grates ipso beneficio agamus pro vita nostra, pro libertate abs terrore absque tyrranide. . |
Particulae reliquae explosionum, Mumbaiae, Novembris 27, 2008 (imago ab Ephemeride sumpta). |
|
Vexillium Primi Continentalis Regimenti quod in Bello Revolutionario omnibus Coloniis XIII militavit. |
Anno qui proximus venerit, Gubernator Adams proclamavit, "Diem Supplicationis Publicae Nostro Benefactori Divino," commendans "intentam Supplicationem Deo" ut "omnis Natio et Societas Hominum inspiraretur scientia et sensu suorum naturalium justorumque jurium" et "ut Tyrranis et usurpatio ubique sisteretur." |
Hoc die, barbarismo hodierno in urbe Mumbaia commisso, cum Indis hodie una eadem cogam precamur ejorum causa; ut liberi ex attemptationibus his oppressionis sint, sine pavore mali. Liberi simus omnes, gratiasque agamus omnes pro vita, laetitia, et libertate.
Et vobis gratias ago pro benigna animi attentione. Valete.